عـــيــــنـــى رأت طـــيــــــرا

بقول عينى رأت طيره بتتالم بنار حاميه بتكويها
عينى رات طيره بتتالم بنار حاميه بتكويها
على عود الحطب واقفه وشوك الدنيا حواليها
وصياد القدر واقف وبرصاصه هيرميها
سالت عليها بدى اعرف دى مين هى ومين ليها
قالولى الام سايباها وابوها كمان ناسيها
ياعينى ضحيه فى الدنيا يا خوفى الوحده تضليها
ده لو هب الهوا ليها مسير العود يميل بيها
وقولت يارب ساعدنى علشان اقدر اعليها
شاورت بايدى اناديلها وجاتلى واخدت بايديها
بنيت العش فى العالى وكان قصدى اعليها
ولما عششت جنبى وشوفت الفرح فى عينيها
فتحب لحبها قلبى وقولت يارب خليها
وجيبت من الشجر ورقه وعجنته لحنه احنيها
وجيبت من العسل شهده علشان تاكل و اغذيها
وجيبت من العنب خمره علشان اشرب واسقيها
وجيبت غنوه من الهوا بصوت الناى اغنيها
وجيبت الورد من البلدى عملته تاج يحليها
وجيبت بخور من الجاوى ابخرها وارئيها
وجيبت حرير من الهندى عملته ستار يداريها
وليله فى العشه جالها واحد تانى يناديها
سابتنى فى اللى كان وحدى ونزلتله برجليها


حمامة غريبة

حمامة مكتوب جناحيها الله ومحمد
 
 
 
 
 

(0) تعليقات


Add a Comment



Add a Comment

<<Home